سفارى لايجار اليخوت

 يخت في العين السخنة من الساعة 6 الصبح للساعة 5 المغرب 
اجمل 11 ساعة مستحيل تنساهم، هتعوم في البحر الاحمر مع الدلافين 🐬 و تغير مودك و تستمتع
بجد يا جماعة الواحد لازم يطلع الطلعة دي عالاقل مرة في السنة و تشوف بنفسك جمال البحر الاحمر 🌊 “لونه ازرق على فكرة” و لون السما اللبني الجميل  الصافي و تعوم و تلاقي جمبك دلافين 🐬 بجد متعة متتوصفش
خصوصا ان التكلفة مش كتيرة و المكان قريب من القاهرة بالكتير اوي ساعتين تكون وصلت المرسى
و بيكون معاك عالمركب ريس و شيف و بجد قمة في الاحترام و الاحترافية 👍🏻، تحس انك مش شايل هم اي حاجة و كل هدفهم انك تكون مبسوط  هيوصلوك لاماكن السباحة و اماكن الصيد  و الاماكن اللي تعمل فيها و تتفرج فيها عالشعب المرجانية.
و فيها لايف جاكت لكل اللي عاليخت ، ولو حبيت تاخد معاك اكل يطبخ عاليخت بتاخد حاجتك كلها معاك و الشباب هيقوموا بالواجب ✔
اليخت فيه تلاجة وصلة  و سماعات عشان لو عايز تشغل اغاني من الموبيل على ذوقك  ، في قعدة عاليخت من فوق المنظر بيكون فوق تحفة، و في قعدة في اليخت من تحت مكان الغطس و في جزء جوا اليخت فيه مطبخ و ٢ غرف نوم فيهم 8 سراير
كمان قبل ما تتحرك تقدر تطلب كل اللي انت محتاجه مثلا صنارة: ايجارها 25 جنيه ،نظارة بحر 25 جنيه ، طبق طعم “جمبري” نص كيلو ١٠٠ جنيه و طقم كامل ب 60 جنيه
رحلة زي دي متتنسيش و من الحاجات اللي هتخليك بجد ت  و تسأل نفسك كتير، انا ليه مطلعتش الطلعة دي من زمان؟! فعلا حاجة هتفرق جدا في مودك و تشحن بيها طاقتك  و تخرج بيها برا روتين من البيت للشغل و من الشغل للبيت و المولات و خروجات الاكل، كل اللي انت محتاجه انك تقرر وتجمع صحابك، زمايلك في الشغل، عيلتك و تتفقوا عليا يوم تنبسطو فيه، و متنساش تتفرج عالناس و هي بتتقلب بال بانا بوت جمبك و الجيتسكي و اللي طاير بالبراشوت فوقك
هتحتاج بس انك تقرر تنبسط و تحجز اليخت قبل ما تطلع ب 5 ايام عالاقل و بتدفع العربون ايام الاسبوع بتكون ارخص، و ايام الجمعة و السبت هما اللي بيكون عليهم طلب ديما فا بيكون السعر اغلى و بتتقسم على ال 10 افراد او ال 20 او ال30 تعمل بيهم احلي داي يوز
و انت راجع بقى هتلاقي عالطريق عشش بتاعت السمك 🎪 و في محلات تاكل السمك الطازة اللي نفسك فيه و مبروك كدة اليوم ب
 مركب ١٠ افراد
 مركب ٢٠ فرد
 مركب ٣٠ فرد